Den nyvalde styreleiaren i PRO Vestland opplæringskontor meiner at tett oppfølging og kvalitetssikring gjennom bruk av opplæringskontor er viktig for rekrutteringa til yrkesfag.
– PRO Vestland opplæringskontor skal sikre god kvalitet og oppfølging av lærlingar i våre medlemsbedrifter, slik at vi saman rekrutterer og varetek fagkompetansen næringslivet treng.
Det seier HR-direktør i Coop Nordvest SA, Øyvind Indrebø, etter at årskonferansen valde han inn som ny styreleiar for PRO Vestland opplæringskontor 24. mars.
NHO melder i sitt kompetansebarometer at 6 av 10 bedrifter ikkje får tak i nok lærlingar. Samstundes seier 4 av 10 at dei har avslått søknadar grunna høgt fråvær og manglande sosiale og faglege ferdigheiter.
– Dette syner behovet for kontinuerleg samarbeid mellom næringsliv, opplæringskontor og fylkeskommune. Partane i arbeidslivet er representert i Fagopplæringsnemda. Denne nemda må få tilbake retten til innstilling og helst vedtaksmynde generelt, og særskild ved dimensjonering av klassar.
Øvrige styremeldem i PRO Vestland opplæringskontor:
– Styremedlem: Marte Hatlevik, Osland Havbruk AS
– Styremedlem: Svein Arne Sandvik, Elkem Bremanger
– Styremedlem: Unni Verlo, Tine Byrkjelo
– Styremedlem: Odd Erik Dingsøyr, Safeclean AS
